ÍSÍ hefur nú gefið út tvo nýja fræðslubæklinga. Annars vegar er um að ræða bæklinginn „Íþróttir – félagslega hliðin" og hins vegar bæklinginn „Íþróttir – foreldrar og börn". Fyrrnefndi bæklingurinn fjallar um mikilvægi félagslegu hliðar íþróttastarfsins og hinn síðarnefndi um hlutverk foreldra hvað snertir íþróttaiðkun barna. Bæklingunum er ekki ætlað að vera tæmandi upplýsingar um efnið heldur leiðbeinandi þáttur sem vonandi leiðir til frekari umræðu um mikilvægi efnisins. Bæklingarnir verða gefnir út í netútgáfu til að byrja með og má nálgast þá á www.isi.is/pages/umisi1/efnisveita/fraedslurit/fraedslubaeklingarisi1/

Við hvetjum alla til að lesa þessa bæklinga.

Með bestu kveðju

ÍSÍ

Í dag voru riðin úrslit í Gæðingakeppni Léttis og Goða. Frábært veður var í dag og voru mjög sterkir hestar í úrslitum og mjótt var á munum.

Fanndís Viðarsdóttir hlaut Djáknabikarinn i þetta sinn. Djáknabikarinn er bikar sem Magnús Rúnar Árnason, Árni Gísli og Brynjar Logi Magnússynir gáfu til minningar um Djákna frá Dalvík, hest sem þeir kepptu allir á og var mjög sigursæll á sínum ferli.  

Þóra Höskuldsdóttir hlaut Þytsbikarinn. Bikarinn hlýtur það barn eða unglingur sem hlýtur hæstu einkunn í forkeppni.

Þytsbikarinn er bikar gefinn af Dýraspítalanum í Lögmannshlíð í minningu Þyts frá Krossum. Bikarinn er gefinn fyrir prúðmannlega reiðmennsku og stundvísi. Eru þessar stúlkur vel að þessum verðlaunum komnar.

Hér eru úrslitin :

Gæðingakeppni Létti og Goða var haldin í blíðskapaveðri í dag. Mikið var um góða hesta og gekk mótið ágætlega.

Hér koma niðurstöður eftir forkeppni og úrslit úr tölti fullorðinna og skeiði.

Íslandsmót barna, unglinga og ungmenna var haldið á Hvammstanga 12-15 ágúst í blíðskapaveðri. Mótið gekk í allastaði vel og átti Léttir 4 keppendur á mótinu og stóðu þau sig öll með prýði. Að sögn þátttakenda var stemmingin góð og móttökurnar frábærar og hlakkar þau til að mæta fersk á Íslandsmót að ári.

Kvartanir hafa borist vegna spotta sem hestamenn í rekstri eru að skilja eftir. Þegar farið er í rekstra og spottar notaðir er það nauðsynlegt að taka spottana niður þegar reksturinn er farinn framhjá.

Nú er farið að skyggja á kvöldin og stafar mikil hætta fyrir aðra hestamenn af spottunum.

Vinsamlega sýnum tillitsemi og göngum vel um.

Stjórnin.