Tvö reiðnámskeið verða haldin í reiðhöllinni á Akureyri á útmánuðum. Það fyrra er tveggja helga námskeið hjá Antoni Páli Níelssyni fyrir vana knapa. Námskeiðið fer fram helgarnar 4.-5. og 18.-19. apríl.

Seinna námskeiðið er á vegum reiðkennaradeildar Hólaskóla og ætlað öllum hestamönnum. Það verður haldið 9.-10 maí.

Þessi námskeið verða auslýst nánar síðar.

Fræðslunefnd Léttis

Opna Bautamótið í tölti fer fram í Skautahöllinni á Akureyri, laugardaginn 16. febrúar n.k. og hefst kl. 20.  Skráningargjald er kr. 2.000,- á hverja skráningu og er knöpum heimilt að skrá fleiri en eitt hross til keppninnar.  Keppendur skulu hafa náð 16 ára aldri og hjálmaskylda er á svellinu. 

Fyrirkomulagið er þannig að riðnir verða 3 hringir á tölti, allir upp á vinstri hönd.  Einn á hægu tölti, einn á tölti með hraðamun og einn á fegurðartölti.  Tvöfalt vægi er á hæga töltinu.  Æfingatími fyrir keppendur verður í Skautahöllinni, föstudagskvöldið 15. feb. kl. 21:15.  Þar hafa rétt á að mæta þeir keppendur sem þegar eru skráðir í mótið, með þau hross sem þar eru skráð, önnur ekki.  Hestamönnum er einnig bent á að hægt að kaupa tíma í Skautahöllinni á Akureyri til æfinga og er upplagt að taka sig nokkrir saman til að leigja sér tíma í húsinu.

Greiðsla skráningargjalda fer fram á staðnum.  Þeir sem nýta sér æfingatímann á föstudagskvöldinu þurfa að greiða skráningargjaldið áður en æfing fer fram. 

Tekið er við skráningum í netfang: Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. og í síma 462-2101 á kvöldin (Anna Guðrún).  Skráningu lýkur miðvikudaginn 13. feb. kl. 22.  Allar nánari upplýsingar gefur Guðmundur í síma 897-3818.