Miðað við veðurspá fyrir næstu daga er mest hætta á öskufalli í Rangárvallasýslu en hrossaeigendur á öllu suður- og suðausturlandi þurfa að vera í viðbragðsstöðu.

Þar sem mikið öskufall verður er hrossum bráð hætta búin af því að anda að sér öskunni, drekka mengað vatn og éta hana í sig með menguðu fóðri. Því þarf að hýsa öll hross á þeim svæðum. Sé það ekki hægt þarf að flytja þau á öruggari svæði.

Forðast skal þó flutninga á fylfullum hryssum, einkum af innan við mánuður er í köstun. Sé ekki hægt að hýsa þær með góðu móti skal þeim haldið heim við hús þar sem hægt er að vatna þeim með hreinu vatni og verja fóður fyrir mengun.

Skapist hætta á langvarandi flúormengun er mikilvægast er að verja trippi í vexti því þeim er hættast við varanlegu tjóni á tönnum og beinum. Þá er fylfullum hryssum sérlega hætt við kalkskorti í blóði sem er lífshættulegt ástand.
Matvælastofnun.

Meðal dagskráratriða á Fákum og fjöri 2010 í TopReiterhöllinni á Akureyri, sem fram fer n.k. laugardagskvöld, er atriði þar sem fram koma niðjar Óskar frá Brún.

Glymur frá Innri-Skeljabrekku mætir til leiks sem og ungstirnið Hrímnir frá Ósi. Það er gaman að fá Hrímnir á sinn heimavöll en hann verður til afnota á svæðinu n.k. sumar.

Nú stórt og veglegt söngatriði, blandað hestum einnig, verður á boðstólnum en það er atriði í minningu Jóa Konn. Fram koma stórsöngvarar af Konnaraættinni og eru það bræðurnir Kristján, Jóhann Már og Svavar Jóhannssynir, Örn Viðar og Stefán Birgissynir og Finnur Bessi sonur Svavars. Þessir miklu barkar ætla að syngja að hætti hestamanna svo undir taki í höllinni.

Allt þetta og meira til á Fákum og fjöri á laugardaginn kemur kl. 20:30

Athugið. Einungis er um eina sýningu að ræða og verða seldir aðeins 800 miðar. Miðaverði er stillt í hóf kr. 2.500,- og gildir miðinn einnig að dansleiknum sem verður að sýningu lokinni í TopReiterhöllinni. Þar mun Tríó Kobba Jóns halda uppi stuðinu fram á rauða nótt. Forsala miða er í Fákasporti á Akureyri og Líflandi Akureyri strax eftir helgina.

Sjáumst sem flest kát og hress á Fákum og fjöri 2010 á Akureyri.

Opna æskulýðsmót Léttis og Líflands var haldið laugardaginn 3. apríl og lukkaðist mótið val í alla staði.

Börnin skemmtu sér vel og gekk mótið hratt fyrir sig. Að loknu móti fengu börnin pappíra frá dómurum um hvað má betur fara og hefur það mælst vel að afhenda krökkunum svona pappíra.

Til hamingju krakkar með frábært og skemmtilegt mót.

Úrslit voru sem hér segir: