Landssamband hestamannafélaga vill vekja athygli ykkar á breyttri dagsetningu Íslandsmóts yngri flokka.

Íslandsmót yngri flokka verður haldið á Hvammstanga hjá hestamannafélaginu Þyt dagana 12.-15. Ágúst 2010.

Léttir hefur ákveðið að fella niður fyrirhugað mót sem halda átti annaðkvöld á Hlíðarholtsvelli, Lögmannshlíð vegna hrossaveikinnar.

Þeir sem búnir voru að greiða skráningargjöldin eru beðnir að senda póst á Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. með upplýsingum um banka og kennitölu eiganda svo hægt er að endurgreiða skráningargjöldin.

Við biðjumst velvirðingar á þeim óþægindum sem þessi breyting kann að valda.

Kveðja

Mótanefnd Léttis.

Fyrir langa löngu var haldin sölusýning í Top Reiterhöllinni og voru öll hrossin mynduð. Því miður hafa þessi myndbönd ekki verið birt fyrr en núna.

En myndböndin eru að finna á http://www.youtube.com/results?search_query=skarpi13&aq=f

Þann 13. apríl síðastliðinn kom út ný útgáfa af Kappa og GagnaKappa, sem hægt er að nálgast á heimasíðu LH, www.lhhestar.is. Frá þeim degi var eldri útgáfa Kappa ónothæf og því er mikilvægt að allir notendur uppfæri hugbúnaðinn.

Á næstu dögum og vikum verður Tölvunefnd LH með námskeið um notkun á Kappa. Mælt er eindregið með því að hvert félag sendi sinn fulltrúa á námskeiðið. 

Námskeið verður á Akureyri 5.maí kl.16:30 (ath breytta tímasetningu) að Hafnarstræti 93-95, húsnæði Þekkingar

Þeir Léttismenn sem hafa áhuga á að læra á Kappa eru beðnir að senda póst á Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. og skrá sig.

Kappi er forritið sem notað er á öllum mótum til að skrá inn keppendur og einkunnir.

Vonumst til þess að sjá sem flesta,
Tölvunefnd LH.

Óhætt er að segja að Stórsýningin Fákar og fjör hafi staðið undir væntingum.

Þrátt fyrir afföll vegna hósta og eldgoss var þetta hin besta skemmtun.

Við Léttismenn þurfum ekki að kvíða framtíðinni þar sem Léttiskrakkarnir undir stjórn Linu Eriksson sýndu mjög skemmtilega sýningu og voru vel ríðandi. Bæði atriði Léttiskrakkanna tókst vel.

Skemmtilegt var að sjá Ólaf Svansson og hans fjölskyldu sem og Baldvin Ara og Ágústu dóttur hans.

Kátir voru þeir nú Léttis-karlar í skrautreið sinni og lukkaðist hún vel og er gaman að sjá hve mörg „heima" atriði voru í sýningunni.

Nokkrar myndir eru komnar hér í "lesa meira" en von er á fleiri myndum inná www.pedromyndir.is