Hestamannafélagið Léttir Akureyri

Valmynd

Auglýsingar

Til leigu eru allt að 11 hesthúspláss að Gránugötu 5 (Breiðholtshverfi).

Um er að ræða þrjár eins hests stíur og fjórar tveggja hesta stíur,samliggjandi í neðri hluta hússins. Afnot af malarfylltu og drenuðu útigerði, hlöðu, hnakkageymslu og rúmgóðri kaffistofu.

Leigist allt í einu lagi eða hluta.

Upplýsingar gefa Jón í síma 868 4889 eftir kl:15:00 og um helgar Jón og Halla nonnioghalla@simnet.is

Forsíða

Tapað ístað

Skrifað af Ritnefnd
Fimmtudagur, 26 janúar 2012 19:52
Svart ístað og ístaðsól tapaðist í Breiðholtshverfi eða á reiðleiðinni í syðra horn. Finnandi vinsamlega hafið samband við Kjartan Friðriks í síma 899 0643

Námskeið með Antoni Páli Níelssyni

Skrifað af Ritnefnd 2

Fimmtudagur, 26 janúar 2012 18:36

Reiðnámskeið fyrir lengra komna með Antoni Páli Níelsson verður haldið í Top Reiterhöllin 11-12 febrúar. Kennslufyrirkomulagið verður á þá leið að kennt verður tveimur og tveimur í einu, tvisvar sinnum á dag. 12 nemendur komast að i þetta frábæra námskeið og verður dregið ef fleiri sækja um. Umsóknir berist á netfangið Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. . Allar frekari upplýsingar veitir Matthías Jónsson í síma 899-1038. Verð á námskeiðið verður 24.000

anton

Minnum á Videokvöldið Föstudagskvöld

Skrifað af Ritnefnd 2
Fimmtudagur, 26 janúar 2012 18:18
Við viljum minna alla hestamenn á Eyjafjarðarsvæðinu sem hafa ánægju af sögunni að skella sér í Top-Reiter höllina á föstudagskvöldið. Við ætlum að fara í gegnum ný og gömul landsmót, horfa aðeins í baksýnisspegilinn, hafa gaman og skemmta okkur saman. Munum síðan að léttar veitingar verða til sölu handa gestum.

Folaldasýningar Hrossaræktarfélaga um helgina!

Skrifað af Ritnefnd 2

Fimmtudagur, 26 janúar 2012 10:41

folald Náttfari, félag hrossarætkenda í Eyjafjarðarsveit, og Framfari, í Hörgárbyggð, halda sínar folaldasýningar á laugardaginn

Náttfari mun halda sína sýningu, sem titluð er folalda- og ungfolasýning, í Melaskjóli á Melgerðismelum á laugardaginn. Sýningin hefst með sköpulagsdómum kl 10:00 og hlaupaæfingar munu hefjast kl 13:00

Framfari heldur sína sýningu klukkan 12:00 í Top Reiter höllinni á Akureyri. Keppt verður í flokki hestfolalda og merfolalda. Dómnefnd velur þrjú efstu folöldin í hverjum flokki. Eins munu áhorfendur velja "flottasta folaldið". Veitingar verða í boði á staðnum.

Greinilega nóg um að vera fyrir hestaunnendur á Eyjafjarðarsvæðinu um helgina.

Fréttatilkynning frá KEA mótaröðinni 2012.

Skrifað af Ritnefnd 2
Fimmtudagur, 26 janúar 2012 10:22
KEA mótaröðin 2012 verður haldin í Topreiter höllinni á Akureyri með svipuðu sniði og verið hefur undanfarin ár Ákveðnir hafa verið keppnisdagar sem og röð gangtegunda.
Lesa meira...

Járningarnámskeið á Björgum 27. og 28. janúar

Skrifað af Ritnefnd 2

Þriðjudagur, 24 janúar 2012 12:48

Kæru hestamenn

Járningarnámskeið verður haldið á Björgum í Hörgárdal föstudag 27. og laugardag 28.jan. Á föstudagskvöldinu verður haldinn fyrirlestur þar sem verður farið í öll helstu undirstöðuatriðin. Laugardagurinn fer síðan í verklega kennslu. Skeifnagangur er innifalinn í þátttökugjaldinu. Námskeiðið er bæði fyrir meira og minna vana, hvað varðar járningar.

Gestur Páll Júlíusson, dýralæknir og járningameistari mun annast kennslu á námskeiðinu. Hann lærði járningar samhliða dýralæknanámi sínu í Austurríki og hefur verið járningameistari austurríska landsliðsins svo dæmi sé tekið.

Nemendur þurfa að koma með eigin hross og helstu járningaráhöld. Verðið fyrir járningarnámskeiðið er 19.000kr.-

Skráning fer fram á netfanginu Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. og allra helstu upplýsingar fást hjá Viðari í síma 661-6111. Skráningu lýkur kl 23:59, fimmtudaginn 26. janúar.

Hvetjum við sem flesta áhugamenn um járningar sem og þá sem langar í mjög góða kennslu að láta þetta námskeið ekki fram hjá sér fara!

jarning